ߛߎ߮ ߕߊ߯ߟߌ ߣߌ߫ ߕߙߍߡߍߟߌ
ߝߎ߲ߞߎ߲ ߣߌ߲߬ ߕߌ߱ ߕߐ߮ ߊߡߊߘߎ߫ ߞߡߊ߬ߙߊ߬· ߊ߬ ߡߊߞߍߟߋ߲߫ ߘߏ߲߬ ߓߡߊ߬ߞߐ߫ ߛߎ߯ߓߊ ߟߊ߫· ߊ߬ߟߋ ߞߊ߫ ߝߎ߲ߞߎ߲ ߞߍߙߍ߲ߞߍߙߍ߲ߠߋ߫ ߘߏ߲߬ ߝߌ߬ߣߌ߲ ߣߌ߫ ߜ߭ߊ߬ߟߊ ߝߙߋ ߘߋ߬ ߞߊ߲ߡߊ߫· ߊ߬ ߓߍ߫ ߓߊ߬ߛߍ߲ ߛߎ߯ߦߊ ߎ߬ ߘߋ߬ ߝߙߋ߬· ߕߟߋ߬-ߏ-ߕߟߋ߬߸ ߊ߬ ߓߍ߫ ߝߌ߬ߣߌ߲߬ ߡߎ߮ ߞߙߌߕߌ ߛߌߦߊߡߊ߲߫ ߝߙߋ߬ ߡߐ߱ ߎ߬ ߡߊ߬߸ ߡߌ߲ ߎ߬ ߓߴߊ߬ ߘߏ߲߬ ߜ߭ߊ߬ߟߊ ߟߊ߫· ߘߐ߫ ߎ߬ ߓߴߊ߬ ߛߊ߲߬ ߞߵߊ߬ ߜߍߡߊ߲߫ ߕߏ߫ ߞߵߊ߬ ߞߟߊ߫ ߞߵߊ߬ ߞߍ߫ ߘߙߌ߬ߞߌ߬ߓߊ ߦߋ߫ ߥߟߊ߫ ߝߙߏ߬ߞߌ߬ߦߊ ߥߟߊ߫ ߘߏ߫ ߥߙߍ߫· ߕߓߊ߬ߟߌ߬ߕߌ߯ ߛߌߦߊߡߊ߲߫ ߞߍߟߋ߲߫ ߘߏ߲߬ ߞߵߊ߬ ߞߊ߫ ߝߎ߲ߞߎ߲ ߟߊߡߌߣߌ߲߫· ߏ߬ ߟߎ߬ ߓߍ߯ ߓߍ߫ ߜߊ߬ߟߊ߬ ߓߕߊ ߎ߬ ߘߋ߬ ߝߙߋ߬ ߝߌ߬ߣߌ߲߬ ߜߍߡߊ߲ ߛߊ߲߬ߠߊ ߎ߬ ߡߊ߬߸ ߡߌ߲ ߎ߬ ߓߍ߫ ߕߊ߯ ߏ߬ ߝߌ߬ߣߌ߲ ߓߊߞߌ߫ ߜߍߡߊ߲ ߛߊ߲߬ߠߋ߲߬ ߎ߬ ߘߏ߲߬ ߞߟߐ߬ ߥߙߍ ߎ߫ ߟߊ߫߸ ߞߊ߬ ߘߏ ߎ߬ ߞߍ߫ ߓߞߊ߫ ߞߍ߲ߠߍߡߊ ߦߋ߫߸ ߞߊ߬ ߘߏ ߎ߬ ߞߍ߫ ߝߙߌߛߌߡߊ ߦߋ߫ ߊ߬ ߣߌ߫ ߞߊ߬ ߘߏ ߎ߬ ߞߍ߫ ߞߟߐ߬ ߥߙߍ ߎ߫ ߦߋ߫· ߕߎ߬ߡߊ߬ ߛߌߦߊߡߊ߲ ߣߌ߫ ߝߌ߬ߣߌ߲߬ ߛߊ߲ߠߊ ߘߏ߫ ߣߊ߬ ߙߊ߫߸ ߌ ߓߍ߫ ߏ߬ ߣߌ߫ ߝߎ߲ߞߎ߲߫ ߖߋߕߌ߯ߘߋ߲ ߘߏ߫ ߡߊ߲߬ߞߊ߲ ߡߍ߲ ߕߙߍߡߍߟߌ ߟߊ߫ ߞߏ߫ ߕߊ߲߬: ߊ· ߝߌ߬ߣߌ߲߬ ߡߟߋߞߋ ߦߋ߫ ߖߏ߬ߟߌ ߦߋ߫؟ ߋ· ߡߟߋߞߋ ߞߋߟߋ߲ ߦߋ߫ ߥߊ߯ ߣߊ߯ߣߌ߲ ߣߌ߫ ߞߡߍ߬ ߘߎ߯ߙߎ ߊ· ߒߠߋ ߦߋ߫ ߛߊ߲߬ߠߌߢߐ߲ ߞߙߐ߫ ߘߋ߬ ߦߋ߫߸ ߌ ߓߍ߫ ߊ߬ ߘߌ߫ ߒߠߋ ߡߊ߬ ߘߎ߰ߙߋ߲߬ ߛߐ߲ߞߐ߫ ߘߋ߬ ߟߊ߫· ߋ· ߘߎ߰ߟߋ߲ ߛߐ߲ߞߐ ߘߎ߲߬ ߦߋ߫ ߖߏ߬ߟߌ ߦߋ߫߸ ߒ ߓߊߟߌߡߊߡߛߏ؟ ߊ· ߏ߬ ߦߋ߫ ߥߊ߯ ߣߊ߯ߣߌ߲߫-ߣߊ߯ߣߌ߲߫ ߘߋ߬ ߦߋ߫· ߋ· ߊ߬ߦߌ߫߸ ߊ߲ ߓߴߊ߬ ߝߋ߬ߙߋ߬ ߊ߲ ߞߊ߫ ߛߊ߲߬ߠߌ߲߬ߢߐ߯ ߞߙߐ ߎ߬ ߡߊ߬ ߥߊ߯ ߣߊ߯ߣߌ߲߫ ߣߌ߫ ߞߡߍ߬ ߛߊ߬ߓߊ߬-ߛߊ߬ߓߊ߬· ߊ· ߏ߬ ߞߊ߫ ߛߌߦߊ߫