ߖߊ߬ߕߋ߬ߟߌ ߗߏ߯ߦߊ ߒߞߏ ߟߊ߫
ߖߊ߬ߕߋ߬ߟߌ ߡߊ߲߬ߘߋ߲߬ ߞߣߐ߫
ߘߐ߬ߝߐ ߟߐ߲ߓߊ߮ ߎ߬ ߓߍ߫ ߊ߬ ߝߐ߫ ߞߏ߫ ߊ߲ ߓߋ߲ߓߊ ߎ߬ ߣߊ߬ ߙߊ߫ ߞߊ߬ ߓߐ߫ ߞߐߙߐ߲߫ ߝߍ߬ ߕߎ߬ߡߊ ߡߌ߲߸ ߛߊ߲߬ ߂߇߆߀ ߝߊ߲߭ ߝߍ߬߸ ߎ߬ ߕߎ߲߬ ߕߍ߫ ߛߋ߫ ߖߊ߬ߕߋ߬ߓߐ߬ߓߊ ߟߊ߫ ߞߏ߫ ߏ߬ ߥߊ߯ߕߌ ߟߊ߫ ߖߊ߬ߕߋ ߕߎ߲߬ ߓߍ߫ ߞߍ߫ ߣߌ߫ ߕߍ߯ߞߐߌߣߍ߲ ߎ߫ ߘߋ߬ ߦߋ߫؛ ߞߊ߬ ߕߍ߯ߞߐߌߣߍ߲ ߞߋߟߋ߲ ߞߙߎ߬ ߞߵߏ߬ ߞߍ߫ ߞߋߟߋ߲ ߦߌ߬ߙߊ߬ߟߊ߲ ߦߋ߫߸ ߞߊ߬ ߝߌ߬ߟߊ߫ ߞߙߎ߬ ߞߵߏ߬ ߞߍ߫ ߝߌ߬ߟߊ ߦߌ߬ߙߊ߬ߟߊ߲ ߦߋ߫߸ ߞߊ߬ ߛߓߊ߬ ߞߙߎ߬ ߞߵߏ߬ ߞߍ߫ ߛߊ߬ߓߊ ߦߌ߬ߙߊ߬ߟߊ߲ ߦߋ߫· ߞߊ߬ ߣߊ߯ߣߌ߲߫ ߞߙߎ߬ ߞߵߏ߬ ߞߍ߫ ߣߊ߯ߣߌ߲ ߦߌ߬ߙߊ߬ߟߊ߲ ߦߋ߫߸ ߞߊ߬ ߘߎ߯ߙߎ߫ ߞߙߎ߬ ߞߵߏ߬ ߞߍ߫ ߘߎ߯ߙߎ ߦߌ߬ߙߊ߬ߟߊ߲ ߦߋ߫߸ ߞߊ߬ ߥߐ߯ߙߐ߫ ߞߙߎ߬ ߞߵߏ߬ ߞߍ߫ ߥߐ߯ߙߐ ߦߌ߬ߙߊ߬ߟߊ߲ ߦߋ߫߸ ߞߊ߬ ߥߐ߯ߙߐ߲ߝߌߟߊ߫ ߞߙߎ߬ ߞߵߏ߬ ߞߍ߫ ߛߐߞߍ߫ ߦߌ߬ߙߊ߬ߟߊ߲ ߦߋ߫߸ ߞߊ߬ ߛߋߞߌ߲߫ ߞߙߎ߬ ߞߵߏ߬ ߞߍ߫ ߛߋߞߌ߲ ߦߌ߬ߙߊ߬ߟߊ߲ ߦߋ߫߸ ߞߊ߬ ߞߐ߬ߣߐ߲߬ߕߐ߬ ߞߙߎ߬ ߞߵߏ߬ ߞߍ߫ ߞߣߐ߲ߘߐ ߦߌ߬ߙߊ߬ߟߊ߲ ߦߋ߫߸ ߊ߬ ߣߌ߬ ߞߊ߬ ߓߟߏ߫ ߝߌߟߊ ߜߊ߬ߛߌ߬ ߢߐ߲߮ ߠߊ߫ ߞߏ߫ ߕߊ߲߬ ߞߵߏ߬ ߞߍ߫ ߕߊ߲߫ ߦߌ߬ߙߊ߬ߟߊ߲ ߦߋ߫
ߡߊ߲߬ߘߋ߲߬ ߞߣߐ߫
ߒ߬ߞߊ߬߸ ߞߏߡߌ߲ ߓߟߏߞߐߌߣߍ߲ ߎ߬ ߕߍ߫ ߛߋ߫ ߞߊ߬ ߦߋ߫ ߘߌ߬ߓߌ ߙߐ߫߸ ߝߏ߫ ߦߌ߬ߙߊ߬ ߗߏ߯ ߞߎߙߊ߫ ߘߋ߬ ߕߎ߲߬ ߞߊ߫ ߢߌ߬ߣߌ߲߬ ߣߌ߲ ߖߊ߬ߕߋ߬ߘߋ߲ ߎ߬ ߟߊ߫ ߡߌ߲ ߓߍ߫ ߝߊ߰ߡߎ߲߬ ߤߊߟߌ߫ ߛߎ߫ ߝߍ߬· ߥߟߊߛߊ߫ ߞߊ߬ ߗߏ߯ߦߊ߫ ߛߐ߬ߙߐ߲߬ ߏ߬ ߟߊ߫ ߣߐ߯ߦߊ ߟߊ߫߸ ߊ߲ ߓߋ߲ߓߊ ߎ߬ ߦߋ߫ ߕߍ߯ߞߐߌߣߍ߲ ߎ߬ ߝߊ߬ߟߋ߲߬ ߘߋ߲ ߎ߫ ߕߐ߯ ߎ߬ ߘߋ߬ ߟߊ߫ ߸ߘߊߕߐߡߦߊ߫ ߓߟߏ ߡߊ߬ ߛߊߓߎ߫ ߏ߬ ߟߎ߬ ߓߍ߯ ߕߎ߲߬ ߓߍ߫ ߕߐ߯ߘߊ߫ ߗߏ߯ ߞߋߟߋ߲߫ ߘߋ߬ ߟߊ߫߸ ߞߊ߬ ߘߋ߲߫ ߝߟߐ ߎ߫ ߓߍ߯ ߥߋ߯ߟߋ߫ ߞߏ߫ ߞߋߟߋ߲߸ ߞߊ߬ ߝߌ߬ߟߊ߬ߣߊ߲ ߎ߫ ߥߋ߯ߟߋ߫ ߞߏ ߝߌ߬ߟߊ߸ ߞߊ߬ ߛߓߊ߬ߣߊ߲ ߎ߫ ߥߋ߯ߟߋ߫ ߞߏ߫ ߛߊ߬ߓߊ߸ ߞߊ߬ ߣߊ߯ߣߌ߲ߠߊ߲ ߎ߫ ߥߋ߯ߟߋ߫ ߞߏ߫ ߣߊ߯ߣߌ߲߸ ߞߊ߬ ߘߎ߯ߙߎߣߊ߲ ߎ߫ ߥߋ߯ߟߋ߫ ߞߏ߫ ߟߏ߯ߟߎ߸ ߞߊ߬ ߥߐ߯ߙߐߣߊ߲ ߎ߫ ߥߋ߯ߟߋ߫ ߞߏ߫ ߥߐ߯ߙߐ߸ ߞߊ߬ ߥߐ߯ߙߐ߲ߝߌߟߊߣߊ߲ ߎ߫ ߥߋ߯ߟߋ߫ ߞߏ߫ ߛߐߞߍ߸ ߞߊ߬ ߛߋߞߌ߲ߠߊ ߎ߫ ߥߋ߯ߟߋ߫ ߞߏ ߛߋߞߌ߲߸ ߞߊ߬ ߞߐߣߐ߲ߕߐ߲ߣߊ ߎ߫ ߥߋ߯ߟߋ߫ ߞߏ߫ ߞߐߣߐ߲ߕߐ߲߸ ߊ߬ ߣߌ߫ ߞߊ߬ ߕߊ߲ ߕߏ߫ ߊ߬ ߣߐ߭ ߟߊ߫ ߞߏ߫ ߕߊ߲
ߡߊ߲߬ߘߋ߲߬ ߞߣߐ߫
ߕߊ߲ ߞߐߝߍ߬ ߛߊ߫߸ ߖߊ߬ߕߋ ߓߍ߫ ߡߊߛߋߞߌ߲ ߞߊ߬ ߘߊ߫ ߕߊ߲ ߞߊ߲߬ ߣߌ߫ »ߣߌ߫« ߘߏ߲߭ ߦߋ߫ ߎ߬ ߣߌ߫ ߢߐ߲߮ ߗߍ߸ ߘߊߒߡߊ ߟߊ߫ ߣߌ߫ »ߞߋߟߋ߲« ߝߙߊ߬ ߟߊ߫ »ߕߊ߲« ߞߊ߲߬߸ ߏ߬ ߓߍ߫ ߞߍ߫ »ߕߊ߲߫ ߣߌ߫ ߞߋߟߋ߲߫« ߦߋ߫߸ߖߊ߬ߕߋ߬ߘߋ߲ ߕߐ߭ ߓߍ߯ ߓߍ߫ ߞߍ߫ ߏ߬ ߗߏ߯ ߞߋߟߋ߲߫ ߘߋ߬ ߟߊ߫ ߝߏ߯ ߞߊ߬ ߛߋ߫ ߕߊ߲߫ ߝߌߟߊ ߡߊ߬߸ ߣߌ߫ ߛߋ߫ ߞߍ߫ ߙߊ߫ ߦߋ߲߬߸ ߛߋ߲ߞߐߌߣߍ߲߫ ߕߊ߲߫ ߣߌ߫ ߓߟߏߞߐߌߣߍ߲߫ ߕߊ߲߫ ߠߋ߬ ߛߐ߬ߙߐ߲߬ߣߋ߲߫ ߦߋ߫ ߏ߬ ߦߋ߫߸ ߎ߬ ߘߎ߲߬ ߓߍ߫ ߓߍ߲߬ ߡߐ߰ ߞߋߟߋ߲߫ ߕߊ߫ ߘߋ߬ ߡߊ߬߸ ߏ߬ ߘߋ߬ ߞߏߛߐ߲߫ ߊ߲ ߓߵߏ߬ ߥߋ߯ߟߋ߫ ߞߏ߫ ߡߐ߰ ߸ ߏ߬ ߘߋ߬ ߘߎ߲߬ ߦߟߍ߬ߡߊ߲߲ ߠߊ߫ ߞߊ߬ ߞߍ߫ ߡߎ߬ߞߊ߲ ߦߋ߫ ߊ߲ ߓߟߏ߫· ߞߊߕߎ߲߯߸ ߊ߲ ߕߎ߲߬ ߓߍ߫ »ߕߊ߲߫« ߝߙߊ߬ »ߡߎ߬ߞߊ߲« ߞߊ߲߬ ߞߊ߬ ߞߍ߫ »ߡߎ߬ߞߊ߲ ߣߌ߫ ߕߊ߲߫« ߦߋ߫؛ ߣߌ߫ ߕߊ߲ ߛߋ߫ ߙߊ߫ ߣߊ߯ߣߌ߲ ߡߊ߬߸ ߊ߬ ߓߍ߫ ߞߍ߫ ߡߐ߰ ߝߌߟߊ߫ ߦߋ߫߸ ߊ߲ ߓߋ߲ߓߊ ߎ߫ ߦߋ߫ ߏ߬ ߥߋ߯ߟߋ߫ ߞߏ߫ ߘߍ߬ߓߍ ߓߊߏ߬ ߡߐ߰ ߝߌߟߊ߫ ߘߋ߬ ߓߍ߫ ߘߊ߫ ߘߍ߬ߓߍ߲ ߞߋߟߋ߲߫ ߞߊ߲߬߸ ߖߊ߬ߕߋ߬ ߕߐ߭ ߓߍ߯ ߕߎ߲߬ ߓߍ߫ ߕߋ߲߬ ߝߏ߯ ߞߵߊ߬ ߛߋ߫···(؟
ߡߊ߲߬ߘߋ߲߬ ߞߣߐ߫
ߞߏ ߎ߫ ߕߏ߫ ߙߊ߫ ߕߋ߲߬ ߝߏ߯ ߞߊ߬ ߣߵߊ߬ ߛߋ߫ ߥߙߏ߬ ߝߋ߯ߙߋ߫ ߥߊ߯ߕߌ ߡߊ߬ ߊ߲ ߓߋߓߊ ߎ߫ ߝߍ߬߸ ߏ߬ ߕߎ߬ߡߊ ߘߋ߬ ߛߊ߫ »ߓߌ߫« ߞߏ߫ ߘߏ߲߬ ߠߊ߫ ߊ߲ ߞߊ߫ ߞߊ߲ ߠߊ߫ ߞߴߏ ߛߊߓߎ߫ ߞߍ߫ ߥߙߏ߬ ߖߎߟߊ ߎ߬ ߞߊ߬ ߖߊ߬ߕߋ߬ߟߌߓߊ ߘߊ߲ߠߊߛߋߟߋ߲ ߦߋ߫ ߥߙߏ߬ ߛߊ߲߬ ߕߎ߬ߡߊ߸ߊ߬ ߡߊߘߏ߲߬ߠߌ߲߬ ߕߎߡߊ߫ ߊ߬ ߣߌ߫ ߊ߬ ߝߋ߰ߙߋ߬ ߕߎߡߊ߫· ߥߙߏ߬ ߖߎߟߊ ߎ߬ ߕߎ߲߬ ߓߍ߫ ߕߍ߮ ߝߊ ߞߏ߫ ߞߋߟߋ߲߫ ߓߍ߲߬ ߥߙߏ߬ߘߋ߲ ߕߊ߲߫ ߠߋ߬ ߞߵߏ߬ ߓߌ߬ߟߊ߬ ߞߊ߲߫ ߞߍ߫ ߞߏ߫ ߓߌ߫؛ ߡߐ߰ ߎ߬ ߕߎ߲߬ ߓߍ߫ »ߓߌ߫« ߏ߬ ߘߋ߬ ߖߊ߬ߕߋ߬ ߞߊ߬ ߕߌߟߊ߫ ߞߵߏ߬ ߛߌ߰ߦߙߐ߬ߡߊ߬ ߕߊ߲· ߏ߬ ߘߋ߬ ߟߊߓߊ߲ ߣߊ߬ ߙߊ߫ ߘߏ߲߬ ߖߊ߬ߕߋ ߟߊ߫ ߞߵߊ߬ ߘߊߡߌߣߊ »ߡߎߞߊ߲ ߣߌ ߕߊ߫« ߡߊ߬ ߊ߬ ߘߐߞߣߍߦߊ ߞߐ߬ߛߐ߲߬· ߊ ߕߌߟߊ߫ ߙߊ߫ ߞߊ߬ »ߡߎߞߊ߲ ߘߎ߯ߙߎ߫« ߝߊ߬ߟߋ߲ »ߞߡߍ« ߟߊ߫߸ ߊ߲ ߛߌ߰ߢߐ߲߮ ߓߊ߬ߞߊ߲߬ ߖߊ߯ߡߊ߲ ߖߊ߬ߕߋ߬ߟߊ ߘߏ߫ ߎ߬ ߞߊ߫ ߞߊ߲ ߞߎߡߊߘߋ߲ ߏ߬ ߘߐߞߣߍߦߊ߫ ߞߋߟߋ߲ ߏ߬ ߞߐ߬ߛߐ߲߫